Facebook Groups - նոր հավելված

 Facebook Creative Lab-ը թողարկել է իր հերթական հավելվածը, որը նախատեսված է  IOS և Android ՕՀ-ի համար:

Ֆեյսբուքյան խմբերում ակտիվ օգտատերերի քանակն անցնում է 700մլն-ի սահմանը, իսկ օրական կտրվածքով mobile օգտատերերը գրեթե նույնքան են` 703 մլն: Timeline-ի հայտնվելուց հետո փոփոխության ենթարկվեցին նաև ֆեյսբուքյան խմբերը. հայտնվեցին cover photo-ն ու էլի մի քանի փոփոխություններ:
Թվում էր, թե էջերի դինամիկ փոփոխությունների ընթացքում մոռացության են մատնվել խմբերը, բայց երկար ընդմիջումից հետո հեռախոսային թրենդի շնորհիվ հերթը հասավ նաև դրանց:

Այսօրվանից՝ նոյեմբերի 18-ից հասանելի է ֆեյսբուքյան խմբերի համար հատուկ հավելվածը: 

Եթե գոնե 1 խմբի ադմին եք, սիրում եք շփվել ֆեյսբուքյան խմբերում, այս հավելվածն ունենալուց հետո, հաստատ, ավելի ակտիվ կլինեք:
Թեթև, պարզ, արագ, userfriendly: Ասեմ ավելին, ֆեյսբուքյան գովազդ չնկատեցի: (Մարքեթոլոգները էջերից բացի խմբե՞ր պիտի ստեղծեն բրենդների առաջխաղացման համար):

Այ այսպես ուրախ դեմքով սկսում ենք օգտագործել նոր հավելվածը ^_^ 

Խմբերի թարմացումներին կարելի է հետևել առաջին էջից կամ մեզ հայտնի notification-ների օգնությամբ՝ գլոբուսիկի միջոցով: Ինչ վերաբերում է 3-րդ էջին, ապա այստեղ արդեն Ֆեյսբուքի կողմից առաջարկվող խմբերն են, որոնք հայտնվում են աջ անկյունում (in desktop version):  

 Հավելվածի միջոցով շատ հարմար է փնտրել խմբեր, ինչպես նաև արագ ու հեշտ ստեղծել նորերը՝ բոլոր հնարավորություններով այնպես, ինչպես desktop տարբերակում:

Հավելվածն ունի ևս մեկ առավելություն, որն ավելի հարմարավետ է դարձնում այն օգտագործելը՝ համեմատած ավանդական տարբերակի: Դուք ինքներդ կարող եք կառավարել որքան, ինչպես և «ում պատճառով» Ձեզ անհանգստացնեն  ծանուցումները:


[Այս հավելվածը չլիներ, չէի էլ իմանա, որ 96 խմբի անդամ եմ:]

Հատկապես հայկական շուկայում ինչպես իրեն կարդարացնի հավելվածը, դժվարանում եմ պատասխանել, բայց վստահ եմ, որ 2015թվականին մենք նոր սոց. մեդիա ենք ունենալու՝ բոլորովին նոր մարքեթինգային հնարավորություններով (փոխվում են գործիքները, փոխվում են օգտատերերի վարքագծերը) :